Plantun de Prouvènço

Pèr coumpara dos planto d'encò nostre

Pinus sylvestris & Bombycilaena erecta

Pin-gavot

Pinus sylvestris

Pinaceae

Àutri noum : Pignastre, Pin-coumun, Pin-sóuvage, Pichot-pin, Pignet.

Noms en français : Pin sylvestre, Pin de Riga.

Descripcioun :
Lou pin-gavot trachis dins li relarg montagnous tre 400 m. Se recounèis à sa rusco roujo e à sis aguio courto e un pau verdalo. Es un aubre souvènt torso.

Usanço :
"Las caissos de mouort (caissos das paures) soun en pin vèrt" coume "lous bachasses", F. Graglia, Valdeblore (06) (in J.-L. Domenge, EbV, op.cit.). Servié peréu pèr faire li cadiero Ibid. Pamens, à la Baumo (04), L. Collomp afourtis : "Tant bèn ai vist de pin que avien belèu quienge mètro e qu'avien pas'na brancho ! avien tout embracha perqu'èro defendu de coupa un aubre vèrt [...] se coupavo rèn que lou bouosc sec ou bèn un aubre que secavo [...] " Ibid.

Port : Aubre
Taio : 3 à 30 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Pinus
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) enflourejado : 2,5 à 5 cm
Flourido : Printèms - Estiéu

Sòu : Ca (Si)
Autour basso e auto : 400 à 2200 m
Aparado : Noun
Mai à juliet

Liò : Pinedo - Pelouso - Roucas
Estànci : Subremediterran à Subaupen
Couroulougi : Éurasiatico
Ref. sc. : Pinus sylvestris L., 1753

Coutounado(-dreissado)

Bombycilaena erecta

Asteraceae Compositae

Àutri noum : Erbo-à-coutoun, Erbo-coutounado.

Nom en français : Cotonnière dressée.

Descripcioun :
Aquelo coutounado, di proun peludo, trachis sus li tepiero seco e li roucaio. Aquéu gènre a li bratèio soudado en uno saco qu'ensarro coumpletamen la flour d'ounte sort un soulet estile. Coumpara emé la coutounado-di-fueio-en-patelo que ié sèmblo proun, mai èi mens peludo e lou fru a uno eigreto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bombycilaena
Famiho : Asteraceae
Famiho classico : Compositae
Tribu : Gnaphalieae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Roucaio - Colo - Tepiero seco
Estànci : Termoumediterran à Mountagnard
Couroulougi : Pancaro entresigna
Ref. sc. : Bombycilaena erecta (L.) Smoljan., 1955

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Pinus sylvestris & Bombycilaena erecta

ges

CCC

Coumpara Pin-gavot emé uno autro planto

Coumpara Coutounado(-dreissado) emé uno autro planto